Dünyaca məşhur Boğaziçi Universitetinin “Machine Learning” üzrə müəllimi Şaban Dalaman “Data Science” sahəsi üzrə 20 ildən artıq təcrübəsi olan mütəxəssisdir. Türkiyənin ODTÜ Universitetində “Computer Science” üzrə təhsilinə başlamış mütəxəssis daha sonra magistr təhsilini “Data Engineering” üzrə İstanbul Şehir Universitetində almışdır. Təhsilini tamamladıqdan sonra isə Kanadanın Toronto Universitetinində “Quantum Machine Learning Bootcamp” proqramına üzv olmuşdur.
Şaban Dalaman öz professional karyerasına “Turkish Airlines”, “Siemens Nixdorf” kimi prestijli şirkətlərdə “Software Developer” və “Project Manager” kimi başlamışdır. Daha sonra “Data Science” sahəsi üzrə fəaliyyət göstərərək mütəxəssisləşmişdir. Belə ki, o, onlarla “Data Science”, “Machine Learning” və “Murex” layihələrinə texniki rəhbərlik etmiş və bu sahə üzrə müxtəlif şirkətlərə texniki həllər və konsultasiya xidmətləri irəli sürmüşdür. Şaban Dalaman bununla yanaşı, universitetlərdə, təlimlərdə “Data Science” və “Machine Learning” üzrə tədris verən professorlardan biridir. Hazırda o, Türkiyənin İstanbul Şehir və Boğaziçi Universitetlərində “Machine Learning with Applications” sahələrini tədris edir.
Caner Canak “Artificial Intelligence” sahəsi üzrə böyük təcrübəyə malik mütəxəssislərdən biridir. Bakalavr təhsilini Yıldız Teknik Universitetində Kompüter və İnformasiya Texnologiyası üzrə almış Caner Canak daha sonra öz təhsilini Türkiyənin ən prestijli universitetlərindən biri olan Boğaziçi Universitetində davam etdirmişdir. Bununla kifayətlənməmiş mütəxəssis öz sahəsində daha da peşəkarlaşmaq üçün Amerikada “City University of New York"da təhsil alaraq akademik inkişafına töhfə vermişdir. 10 ilə yaxın iş təcrübəsinə malik olan Caner Canak öz karyera həyatına "Software Engineer” olaraq başlamışdır. O bu sahə üzrə təcrübəsini müvafiq olaraq Dataserv Bilişim Teknolojileri şirkətində və təhsil aldığı "New York City ” Universitetində qazanmışdır. O, 2010-cu ildə Yapı Kredi Bankda "Senior Business Analyst" olaraq çalışmağa başlayaraq bu sahədə ilk professional təcrübəsini qazanmıışdır.
Daha sonra Caner Canak Türkiyənin hazırda ən böyük Süni İntellekt həlləri verən şirkətlərindən biri olan "Turkcell" şirkətində "Senior Business Analyst" kimi öz fəaliyyətini davam etdirmişdir. "Turkcell"də davam edən 8 illik fəaliyyəti boyunca Caner Canak "Expert Business Intelligence Analyst" və "Business Intelligence Manager" kimi vəzifələrə yüksəlmişdir. Hal-hazırda isə o, "Artificial Intelligence and Data Analytics Manager" kimi öz fəaliyyətini davam etdirir. Fəaliyyəti dövründə isə şirkətin “Artificial İntelligence” komandasını cəmi 2 ilə 0-dan qurmağa nail olmuşdur.
Pınar Ersoy "Data Science" sahəsi üzrə dərin təcrübəyə malik mütəxəssislərdən biridir. O öz bakalavr təhsilini "Software Engineering" üzrə Türkiyənin prestijli universitetlərindən olan Bahçeşehir Universitetində, magistr təhsilini isə həmin sahə üzrə Boğaziçi Universitetində almışdır.
"Data Science" üzrə peşəkar məşğul olmağa başlayan Pınar Ersoy bu sahə üzrə ilk professional karyera təcrübəsini “IBM Watson"da "IBM Content Analytics" üzrə almışdır. Daha sonra isə o “SAS” İnstitut Türkiyədə, Garanti Bankda müvafiq olaraq "Risk Analytics Associate" və "Associate Analytical Consultant" kimi fəaliyyət göstərmişdir. Burada kifayət qədər təcrübə qazanmış mütəxəssis daha sonra fəaliyyətini "Trendyol", "Talmix" kimi şirkətlərdə "Data Scientist" və "Analytical Consultant" kimi davam etdirmişdir. Hal hazırda isə o, "Commensis" şirkətində "Data Scientist" olaraq çalışır.
Günay Elçin Esin Türkiyənin qabaqcıl universitetlərindən biri olan Bilkent Universitetində Riyaziyyat fakültəsi üzrə bakalavr təhsili alıb. O, uzun illər öz layihələri üzərində çalışıb. 2018-ci ildə Birləşmiş Millətlər “UN Sustainable Development Goal” - İşBank layihəsində iştirak etmişdir. 2020-ci ildə Türkiyədən yeganə təmsilçi olaraq ölkəsini MCM/COMAP '2020 Beynəlxalq Riyazi Modelləşdirmə Yarışmasında təmsil etmiş və uğur siyahısına daxil olmuşdur. “Neuron Models Dynamical Systems” layihəsi ilə 2020-ci ildə Bilkent Universiteti üçün geniş araşdırmalar aparmışdır.
Proya Professional Software şirkətində “Data Oriented - Business Development and Information Security Engineering” sahəsi üzrə təcrübə keçib. Peşəkar həyatında “METU Teknokent” əhatəsində özəl bir şirkəttə Business Data Analyst olaraq “product” ve “marketing” sahələrini data inteqrasiyası ilə verimli hala gətirmək üzərində çalışmışdır.
O, Avropanın aparıcı e-ticarət şirkətlərindən birində “Project Management & Data Insight Enabler” sahəsi üzrə işləyib. Hal-hazırda Günay Elçin Esin Amerikada özəl bir şirkətdə Data Scientist kimi fəaliyyət göstərir və “Artificial Intelligence”, “Machine Learning” üzrə layihələr hazırlayır.
İlker Onur Işık - “Data Science”, ” Machine Learning” , “ Database Programmer” sahələrində çoxillik təcrübəyə sahib əsl mütəxəssisdir. Aldığı bakalavr və magistr təhsilləri sayəsində özünü inkişaf etdirərək, statistika sahəsində uzun illər dərs deyərək, bir çox fərqli və böyük layihələrdə iştirak etmişdir.
O, 2015 -ci ildən Türkiyə Polis Təşkilatının Terrorla Mübarizə Bölməsində Database Admin, Maşın Öyrənmə və Verilənlər Bazası proqramçısı kimi çalışmışdır. Bu illər ərzində MSSQL üzrə dərsləri tədris etmiş, eyni zamanda Muğla Sıtkı Koçman Üniversitesinin İqtisadiyyat fakültəsində magistr təhsili almışdır. Magistr təhsili alarkən Maşın öyrənməsi üçün statistik metodlar adı altında magistratura kurslarında tədqiqatçı köməkçisi kimi çalışıb. Tələbələr üçün müsahibə suallarına hazırlaşmaq üçün xüsusi tezislərin hazırlanmasında böyük rolu olub.
Statistik infrastrukturun maşın öyrənmə metodlarına təsiri sahəsində bir sıra araşdırmaları olan Onur İlker İşık eyni zamanda "FLO ayakkabı", "Vodafone Advice Systems", "IYZICO", "House Price Prediction" və s. layihələrində yer almışdır. Hal-hazırda Birləşmiş Millətlər Təşkilatı adından Türkiyə Miqrasiya İdarəsində Data Scientist kimi fəaliyyət göstərir.
Kaan Özbudak, ciceksepeti.com/mizu.com kimi e-ticarət platformalarında 2 ilə yaxındır Senior Data Mühəndisi kimi fəaliyyət gösterir. Çiçeksepeti'ndən əvvəl FINTECH sahəsində çox təcrübəli olan PayU/lyzico firmasında on prem Data Mühəndisi kimi, Gtech-də 2 ilə yaxın BigData Konsultant pozisiyasında işləmişdir. Təlimçimiz Bahçeşehir Universitetində MBA, Kompüter mühəndisliyi üzrə bakalavr təhsilini isə Istanbul Aydın Universitetinde almışdır.
İlhami Demirci Ankara Hacettepe Universitetinin Qida mühəndisliyi fakültəsini bitirib. Mühəndislik təhsilinə əlavə olaraq o, biznes kəşfiyyatı və strategiyaları, hesabat sahəsində biliklərini də inkişaf etdirib. 2021-ci ilin may ayından etibarən EnSight İnformasiya Texnologiyası şirkətində işə başlayıb. O, ilk olaraq şirkətdə biznes kəşfiyyatı üzrə mütəxəssis kimi başlayıb. İndi isə eyni şirkətdə Data Analyst kimi davam edir. Müxtəlif sektorlarda 6 fərqli şirkətlə 15-dən çox layihədə iştirak edib. Data Engineering, modelləşdirmə, reporting onun əsas təcrübələrindəndir. Power BI ilə bağlı 4 fərqli şirkətə verdiyi təlimlərlə yanaşı, Linkedin-də müntəzəm paylaşımlar vasitəsilə öyrənmək istəyənlərə töhfə verməyə davam edir.
